اقتراح هام ارجو الاخذ به بعين الاعتبار

السلام عليكم ورحمه الله وبركاته
ارجو منكم قراءه ذلك الاقتراح بكل اهتمام وذلك للمصلحه العامه
وزى ماحنا كلنا عارفين ان المنتدى ده كلنا بنسعى علشان نخليه افضل منتدى ومايكنش زى اى منتدى تانى
بمعنى احنا عايزين منتدانا يبقى غير تقليدى
والمنتدى ده مش معمول علشان الضحك والنكت والهزار فى كل المواضيع وغيرها وغيرها من الحاجات اللى بنشوفها فى اى منتدى عادى
ولان منتدانا مش عادى فرجاء منكم تنفيذ الاتى بكل حب منكم للمنتدى وسعيا لنجاحه وليس اجبار
ارجو منكم يا اخوانى واخواتى زياده الموضوعات الهامه التى تهم الشباب والتى تحتاج الى مناقشه
وارجو ايضا عند المناقشه ان تكون المناقشه جديه
وعدم ادخال اى هزار فى مواضيع جاده
يعنى مايبقاش ضحك عمال على بطال
وارجو منكم ان يكون الضحك للضحك فى الوقت المخصص له والمكان المخصص له
وارجو من المدير العام سواء من حلاله العقد او من الزيروكس تخصيص قسم خاص للموضوعات الهامه التى تطرح
وفصلها عن الاقسام الاخرى
وايضا وضع الموضوعات الخاصه بالازياء فى قسم منفرد
بمعنى تخصيص اقسام لكل الموضيع الموجوده فى المنتدى
حتى لا يكون منتدانا عادى
وصدقونى لو عملنا كده هتلاقو المنتدى بجد روعه جدا
وتذكرو ان تلك الاقتراحات يجب ان تنفذ بكل حب وليس اجبار
وشكرا للذى اهتم

مشكورة على الاقتراح ياجميل
بس انا عاوزة اللفت نظرك لحاجه مهمه
عندك فى كل منتدى من المنتديات موضوع اسمه انت هنا ليه

وبيشرح كل منتدى معمول ليه
والازياء ياجميل من ضمن كل الى تتمناة
ومن ضمن البروجرام بتاع المنتدى ده مع حاجات كتير
والمنتدى قائم على طلبات الاعضاء يعنى كل الى عاوز حاجه يطلبها
وكمان انا مش شايفه موضوعات جديه جامده
وشور روح الدعابه عندنا كلنا لكن
لما بنرد بيكون على حجم الموضوع

بس انتى لازم تقوليلى تقصدى انهى مواضيع اللى مفيهاش اهتمام

وزى مانتى شايفه مثلا فى الاسلامى مفيش هزار عشان لكل مقام مقال

ومنورة المنتدى كله
واوعدك لو الازياء كترت واخدت حيز كبير
لازم توضع فى منتدى خاص بها
بس تكون فى كميه عشان المساحه

واقتراح جميل ولازم ياخذ فى الاعتبار

sasa farouk

المواضيع الجاده هى المواضيع التى تهم الشباب اطن انها حتى لو عددها قليل لازم يتعملها قسم لوحده لان ده هيزيد من اهميتها وعددها
وميرسي ليكى ولاهتمامك يا صاصا

يعنى انتى بتطلبى قسم خاص بالشباب يعنى

هرد عليكى فى الاقتراح
بس هتكونى ملزمه بمواضيعه طبعا مش كله اكيد هيكون فى مشاركات خارجة
بس الاغلبيه اقصد يااميرة

لو مستعدة عرفينى وانا اوعدك الموضوع مش هيكون قرايه وبس

sasa farouk

اولا : مشكوره على الرأى الجميل ده
ثانيا : اسف على تأخرى فى الرد لأن لم ادخل المنتدى بسبب الصيانه
ثالثا : احنا زى ما صاصا بتقول عندنا روح الدعابه فى حدود الادب وفى الردود بس تقديرا لكاتب الموضوع لكن بنبقى كاتبين موضوع معين مثلا بكل جديه الهرج ممكن يبقى فى المساهمات بس حتى لا يمل الاعضاء من الجديه المفرطه وبعدين احنا اصلا عاملين الجزء ده اسمه التسليه .
رابعا : عاجبنى جدا رأى ان احنا نهتم اكتر بمواضيع الشباب الهامه عشان كده ان شاء الله هعمل منتدى جديد اسميه المواضيع الهامه زى ما انتى اقترحتى
خامسا : معلشى الاداره بتجد صعوبه فى نقل المواضيع الخاصه بالازياء وده لسببين الاول ان اصلا الازياء جزء اساسى من كل اللى تتمناه ثانيا ان المواضيع لو اتنقلت هتتنقل بدون المساهمات المختصه بها وده هيسبب ضرر للمنتدى ولكن انا بحاول اتوصل لطريقه افصل بيها الازياء وان شاء الله هحاول
وشكرا جزيلا على الرأى الجميل ده وأسف على عدم تنفيذى بعض الاراء لأسباب خارجه عن ارادتى

zerox

مشكوره كتير ليكو للاهتمام
وميرسى لمروركم
وحظ موفق

ان شاء الله الاداره بتدرس رأيك بس ينقصنا الوقت عفوا على التأخير

اوكى وميرسى جدا للاهتمام

» اقتراح ويارب يتنفذ
» اقتراح ارجوا الاهتمام
» موضوع خطير للغايه ارجو الاهتمام من الساده الاعضاء